Të gjithë veterinarët e Qarkut të Dibrës janë porositur të zbresin në terren për të kontrolluar shpendët e ngordhur.
Aktualisht janë konstatuar se 200 pula të ngordhura në një fermë private në fshatin Rreth Kale, Njësia Administrative Muhur. Mostrat e dërguara në laboratorin veterinar të Tiranës zbuluar se shkak për ngordhjen e pulave është gripi i shpendëve.
Autoritetet vendore vendosën që pulat e ngordhura të groposen nën masa të rrepta sigurie.
“Dyshimet tona janë se infektimi është shkaktuar nga zogjtë që lëvizin në brigjet e lumit Drin. Nuk përjashtohet edhe mundësia që shpendët kanë shtegtuar nga Maqedonia në Dibër, në zonën ku u shfaqën pulat e ngordhura. Kontrollet vazhdojnë në të gjithë territorin”, bënë me dije drejtues të bujqësisë në Dibër.