Komisionieri për Negociatat e Zgjerimit dhe Fqinjësisë, Johannes Hahn, bën apel që të gjitha forcat politike në vend të punojnë së bashku për stabilitet dhe reformat e integrimit.
“Është mirë të flasësh me njeriun tonë në Shqipëri, Amb. Soreca, përpara raporteve të zgjerimit të Komisionit Evropian në pranverë.Çështje thelbësore është që të gjitha forcat politike në vend të punojnë së bashku për stabilitet dhe për reformat, këto javë vendimtare, në interes të qytetarëve të tyre”, shkruan ai në Twitter, teksa publikon foton e takimit me ambasadorin e BE-së në Tiranë, Soreca.
Pak javë më vonë pritet të publikohet raporti përvitshëm mbi hapat e integrimit ku do të mësohet nëse vendi ynë përfiton ose jo hapjen e negociatave.