Kuqezinjtë janë duke zhvilluar një ndeshje mjaft të mirë kundër Spanjës ku nuk kanë munguar edhe rastet për shënim. Përballja mes dy skuadrave përfaqësuesëve po luet aktualisht në “RCDE Stadium” në qytetin e Barcelonës në Spanjë. Megjithatë, pjesa e parë është mbyllur në paqe me rezultatin 0-0.
Disa nga momentet më kryesore të pjesës së parë:
Ferran Torres jep sinjalin e parë në portën e Etrit Berishës në minutën e 5-të, me gardianin shqiptarë që pret gjuajtjen e spanjollit.
Po ashtu edhe Gavi do të provonte t’i afrohet portës së Berishës me një ritëm shumë të shpejtë, por bllokohet në kohë nga Marash Kumbulla.
Ndërsa kuqezinjtë do të përgjigjeshin me Sokol Cikalleshin 13’ i cili rrëzohet në zonë, pas një ndërhyrje nga Eric Garcia, djemtë tonë kërkojnë penallti por nuk është i këtij mendimi gjyqtari i cili lejon vazhdimin e lojës.
20’ Hysaj gabon duke i dhënë mundësinë kombëtares iberike të hidhet në sulm, me Pablo Sarabia që realizon një goditje qendrore, por Berisha pret.
Djemtë e Edi Rejës 28’ provojnë të rrezikojnë portën e iberikëve, teksa Balliu tenton të godasë por gjuan shumë lehtë dhe topi ndalet në duart e Raya Martin.
10 minuta me vonë një tjetër rast Pedri do të rrezikonte, teksa depërton mbrojtjen shqiptare dhe godet në drejtim të portës, por Berisha e ndal atë top.
Ylli i kuqezinjve Armando Broja do të niset në kundërsulm 43’ dhe i dhuron një asisti shumë të mirë Cikalleshit, por ky i fundit nuk ia del ta dërgojë topin në rrjetë dhe përfundon vetë në portën e iberikëve.