Detaje të reja janë zbuluar nga dy avionët rusë të cilët në fillim të muajit mars shkelën hapësirën ajrore të Suedisë. Sipas kanalit suedez të lajmeve TV4 Nyheterna, fluturimi i avionëve rusë pranë ishullit Gotland shte një akt i qëllimshëm i krijuar për të frikësuar Suedinë.
Gjithsej katër avionë ishin nisur nga baza ajrore ruse e Kaliningradit, dy prej të cilëve avionë sulmues Sukhoi 24, dhe dy avionë luftarakë Sukhoi 27.
“Ky është një sinjal për Suedinë se ne kemi armë bërthamore dhe ne gjithashtu mund të konsiderojmë përdorimin e tyre,” tha eksperti strategjik ushtarak Stefan Ring për TV4 Nyheter.
“Ne e vlerësojmë si një veprim të vetëdijshëm. E cila është shumë serioze veçanërisht pasi Rusia është një vend ndërluftues”, shtoi shefi i Forcave Ajrore Carl-Johan Edström.
“Nuk mund të përjashtojmë fluturimin e gabuar, por gjithçka tregon se ishte një veprim i qëllimshëm. Se ata shkelën kufijtë e Suedisë”.
Incidenti erdhi disa ditë pasi presidenti rus Vladimir Putin kishte kërcënuar se do të ndërmerrte veprime ushtarake nëse Finlanda dhe Suedia do t’i bashkoheshin aleancës ushtarake të NATOS-S.