Balla-Shehut: Tritan, mos pi birrë gjermane se i ke qejf ti, pi birra shqiptare se është kohë krize

Një moment humori ka qenë në seancën e sotme kur deputeti demokrat Tritan Shehu ndërhyri gjatë fjalës së deputetit socialist Taulant Balla. Nuk vonoi as reagimi i kreut të grupit parlamentar socialist Taulant Balla.
“Nëse i thoni vetes shqiptar, blini produkte shqiptare, aty ku kemi mundësi. Tritan, kur të kesh mundësi bli birrë shqiptare dhe jo gjermane se i ke qejf ato ti.
Mundësisht pi birrë Korça e Tirana. Prodhimi shqiptar i mishit është shumë i garantuar, konsumoni mallra shqiptare nuk bën keq”, tha Balla.