Sot, Ambasada gjermane në Tiranë ka bërë një njoftim të rëndësishëm ku thekson se ka lehtësuar procedurat për caktimin e takimeve për marrjen e vizës sa i takon një sërë kategorish profesionesh.
Me anë të një postimi në faqen e saj zyrtare në “Facebook”, ambasada bën me dije se është vendosur të reduktohet koha e pritjes për ata që kanë kontrata pune në profesione si mjek, kërkimin shkencor dhe për studime.
Njoftimi i ambasadës gjermane:
Zyra e vizave informon: me kënaqësi ju informojmë se për kategoritë
- Mjek
- Au Pair (Babysitter/dado)
- Formim profesional
- Karta Blu e BE-së/ Kualifikim i lartë
- Ligji i emigrimit për punonjës të kualifikuar me diplomë të arsimit të lartë/ profesional
- Kërkim shkencor
- Vit social vullnetar
- Praktikë/ Hospitime
- Frekuentim shkolle
- Të vetpunësuar
- Kurse gjuhe
- Studime
Është bërë i mundur rezervimi e një takimi vet/personalisht. Në këtë mënyrë ju ofrojme neve juve më shumë fleksibilitet në përzgjedhjen e takimit dhe shkurtojmë kohën e pritjes. Nëse takimet në një kohë të caktuar janë dhënë, ju keni mundësinë të rezervoni një takim në një moment tjetër, ndaj ju lutemi vizitojeni herë pas here faqen tonë të internetit.
E rëndësishme:
Për aplikimin sipas §26 II Paragrafi V ( Rregulli për Ballkanin Perëndimor) NUK është i mundur rezervimi i takimit direkt. Ju lutemi, të interesuarit të regjistrohen në „ Punësim sipas §26 II paragrafi V/ Rregulli i Ballkanit Perëndimor“. Persona të cilët regjistrohen në kategorinë e gabuar, nuk do të lejohen të aplikojnë.
Ju lutemi, rezervojeni takimin vetëm nëse dokumentacioni juaj është i plotë sipas kritereve të fletëve informuese. Aplikimet me dokumentacion jo të plotë NUK do të pranohen.