Nëpërmjet një fotoje të postuar në Instagram, këngëtari shqiptar, Alban Ramosaj ka bërë me dije se do të jetë pjesë e prequel-it të ardhshëm të serialit të famshëm në mbarë botën “Games of Thrones” dhe që mban titullin “House of the Dragon”.
Por fansat duket se janë skeptikë dhe nuk e besojnë këngëtarin për këtë lajm. Duke qenë se sot është 1 Prilli, ndjeksit besojnë se ai ka zgjedhur këtë mënyrë për të bërë një lojë dhe për t’i gënjyer ata meqë është dita e gënjeshtrave.
“I emocionuar të njoftoj se jam marrë zyrtarisht për të luajtur në serialin e ardhshëm #GameOfThrones, #HouseOfTheDragon #FIREWILLREIGN #BehindTheScenes”, ka shkruar Alban Ramosaj krah një fotoje ku shihet i lidhur me zinxhir dhe pranë një zjarri.
“Jo që nuk e meriton, por të na e thoshe në ndonjë ditë tjetër edhe do e besonim”, “Do të ishte e fortë por që është 1 Prilli, nuk është e vërtetë”, “Sot nuk të beson njeri”, ishin disa nga komentet e fansave që spikasnin në postimin e Albanit.
Megjithatë, ka shumë gjasa që fotoja të jetë shkëputur nga klipi më i ri por këngëtari ende nuk ka dhënë një konfirmim për këtë. Të gjithë fansat presin një reagim nga ai se për çfarë bëhet fjalë konkretisht.