Nxënësit e shkollës “Ilia Qiqi” në Burrel japin mesazhe sensibilizuese për fëmijët me autizëm

Autizmi është një çrregullim i zhvillimit, i karakterizuar nga dëmtimi i ndërveprimit social dhe i komunikimit, si dhe nga sjellje të kufizuara dhe përsëritëse. Këto shenja në shumicën e rasteve fillojnë përpara se fëmija të bëhet tre vjeç. Megjithëse shumë fëmijë me autizëm nuk mund të jetojnë të pavarur në moshë të rritur, shumë prejt tyre ia dalin me sukses në këtë aspekt.
Në kuadër të “Ditës Botërore të Autizmit”, Drejtoria e Shërbimit Social, Bashkia Mat, realizoi aktivitetin sensibilizues me moton “Autizmi Flet”. Aktivteti u realizua në Shkollën 9-vjeçare “Ilia Qiqi” Burrel, ku u prezantua definicioni i Autizmit, shkaqet e autizmit, simptomat e autizmit, benefitet e të diagnostikuarit herët.
Në fund të aktivitetit nxënësit e shkollës “Ilia Qiqi” Burrel dhanë nga një mesazh sensibilizues për fëmijët me autizëm dhe integrimin e tyre në shoqëri.