Tranjeri i njohur i futbollit, Louis van Gaal ka bërë një rrëfim tronditës mbrëmjen e djeshme, me të cilin i ka shokuar të gjithë. Ai ka treguar se po vuan një formë agresive të kancerit të prostatës.
“Në çdo periudhë gjatë kohës si trajner i kombëtares, më është dashur të largohem natën për të shkuar në spital pa e kuptuar lojtarët deri më tani. Mendoja se isha i shëndetshëm, por nuk jam”, tha holandezi.
Aktualisht, tekniku po trajtohet për këtë problem shëndetësor i cili duhet thënë se, në shumicën e rasteve ka shërim nëse kapet në kohë.
Kujtojmë se gjatë karrierës së tij, Van Gaal ka drejtuar klube si Ajax, Barcelona, Bayern Munich dhe Manchester United, si dhe kombëtaren e Holandës në tre periudha.