Kylian Mbappe është padyshim emri më i përfolur në Europë teksa shumë klube ëndërrojnë shërbimet e tij. Por “lufta” më e madhe është mes Real Madrid dhe PSG-së, ku lojtari luan aktualisht. Në Francë thonë se ai do të rinovojë me parizienët, ndërsa në Spanjë mendojnë krejt ndryshe.
Sipas spanjolles “El Chiringuito”, Real Madrid ka caktuar edhe datën e prezantimit të Mbappe-së si lojtar i “Los Blancos”, pasi francezi të ketë pranuar ofertën e presidentit Florentino Perez.
Sipas informacioneve që vijnë nga Spanja, shpallja e zyrtare e transferimit të tij në stadiumin “Santiago Bernabeu” do të bëhet në fund të majit ose në fillim të Qershorit, nëse Reali do të shkonte në finalen e Champions League.