Kryeministri Edi Rama ka folur për mediat pas përfundimit të mbledhjes së Asamblesë.
Rama bëri me dije se kongresi i 9 Prillit do të jetë më një kontekst të jashtëzakonshëm për shkak të kohës që jetojmë.
“Do të jetë një kongres ndryshe me një format të ri në funskino të një hapje të gjerë dhe të një adresimi të atyre që janë çështjet më të rëndishme të këij moment të vështirë”, tha Rama.
Ndërkohë Rama u pyet nga gazetarët për zgjedhjen e presidentit të ri të vendit, ndërsa theksoi se është një përgjegjësi e jashtëzakonshme për t’i dhënë Shqipërisë një president normal.
Gjithashtu Rama është përgjigjur nëse Basha do jëtë një emër i mundshëm për president.
“Ka një skuadër të mandatuar nga PS për të hapur një kanal komunikimi për individët, grupe në parlamet që përfaqësojnë anën tjetër e cila është një anë më copa e çika. Kemi një përgjegjësi të jashtëzakonshme për t’i dhënë Shqipërisë një president normal. Lulzim Basha mund të bëhet president i Republikës me votat e kësaj shumice, aq sa Berisha mund të fitojë çmimin Oskar me mbështetjen e syri qimit.net”, tha Rama.