Gazetari Frrok Çupi i ftuar në emisionin “Arnautistan” ka folur për presidentin e ri , duke u shprehur se nuk mjafton që ai të mos jetë si Ilir Meta. Çupi tha gjithashtu se duhet të kemi një kryetar shteti që kur të kthejmë kokën nga Presidenca të mos ndjemë neveri.
Ishte një lloj lodhje, sikur shkarkon një torbë që e ke mbajtur gjatë rrugës. Politikanët janë të pasaktë kur thonë vetëm të jetë një gjë tjetër nga Meta, kjo është gjëja më vulgare. Mund të jetë me 5 gramë më shumë, por sa vlen?! Besoj se kësaj here duhet të kemi një president që kur të kalojmë afër Presidencës të kthejmë kokën me respekt, ose të paktën mos e shohim me neveri. Është fjala për të pasur një model që do të doje ta kishe në familje, fis, shoqëri. Shpresoj ta mbyllim kapitullin 30-vjeçar të figurave rastësore, imponuese. Mendoni çfarë mund të bëjë me vlerat e kombit, me dekoratat, apo në kulisa”.