Në një konferencë për mediat, Kryeministri Rama bëri me dije se Shqipëria është gati të ndahet nga Maqedonia e Veriut në rrugën e saj drejt Bashkimit Europian. Sipas Ramës, nëse Bullgaria nuk e heq veton ndaj Maqedonisë se Veriut, vendi ynë do të ndahet prej saj dhe do kërkojë këtë në çdo instancë të BE-së.
Ndërkaq, duke i’u referuar edhe pyetësorit të Këshillit Kombëtar, 67 % e shqiptarëve në të kanë votuar por ndarjes së Shqipërisë nga Maqedonia e Veriut gjatë procesit të integrimit në BE ndërsa vetëm 19% kanë votuar kundër.
“Do presim vendimmarrjen e Këshillit Europian. Shumë besojnë se do ndodhë ajo që duhet. Ata besojnë se Bullgaria do e heqë veton. Nuk jam shumë optimist. Por çështja e datave është e tyre dhe jo e jona. Ne duhet të punojmë për të bërë vendin me standarde.
Por në momentin që kjo nuk do ndodhë ne do ndryshojmë kursin. Do kërkojmë ndarjen nga Maqedonia e Veriut. Do e bëjmë në çdo instancë dhe në çdo qeveri të BE. Shqipëria nuk mund të presë të zgjidhe sherret me komshinjtë për tu ulur në konferencë. Do ndryshojë plotësisht.” u shpreh Rama.