Princ Harry 37 vjeç dhe Dukesha Meghan 40 vjeçe duket se po kalojnë një krizë në çift. Të paktën kështu raporton revista amerikane “Life & Style”.
“Faza e muajit të mjaltit ka përfunduar për Princin Harry dhe Meghan Markle” citon revista një burim pranë çiftit.
Të dy supozohet se po ndahen gjithnjë e më shumë nga njëri-tjetri.
“Harry dikur fshihej në Montecito me Meghan, tani ai befas po bën gjënë e tij. Ai nuk është më në shtëpi dhe ndonjëherë zhduket për ditë të tëra”, shpjegon i njohuri i të dyve.
Ndërkohë, Dukesha Meghan ka në fokus veten dhe fëmijët.
“Ajo është një grua shumë e pavarur, kështu që sinqerisht, i pëlqen kur ai është jashtë shtëpisë. Ata të dy kanë nevojë për hapësirë.”
Mosmarrëveshje në pandemi
Pandemia thuhet se është fajtore për krizën mes tyre.
“Ka qenë një kohë stresuese për Harry-n dhe Meghan-in. Ata debatonin për gjërat më të parëndësishme. Meghan mund të jetë shumë kërkuese dhe Harry është më i qetë. Ata u përplasën”.
Meghan thuhet gjithashtu se shqetësohet nga miqtë e Princit Harry dhe madje u përpoq ta pengonte atë që të takohej me ta. Përveç kësaj, të dy përplasen gjithmonë sepse Dukesha e Sussex ka një mënyrë jetese shumë më të shtrenjtë se bashkëshorti i saj. Situata sa vinte e përkeqësohej. “Kishte netë kur Harry flinte në bujtinë për t’u dhënë atyre pak kohë për t’u qetësuar,” thotë burimi i brendshëm.
Çfarë i mban bashkë?
Fëmijët e tyre Archie 2 vjeç dhe Lilibet dhjetë muajshe. Ata janë padyshim prioriteti numër një për të dy.
“Për fëmijët ata përpiqen të jenë të fortë.
Ata janë gjithashtu të mirë kur bëhet fjalë për kujdesin e fëmijëve. Kur Harry është larg, ajo kujdeset për ta dhe kur ajo është e zënë duke bërë gjërat e saj, është radha e tij.
“Dy anëtarët e familjes mbretërore nuk kanë komentuar ende për thashethemet e krizës. Ata mund të bëjnë një paraqitje të rrallë së bashku fundjavën e ardhshme, ku spekulohet se do të shfaqen në dasmën e Brooklyn Beckham 23 vjeç dhe Nicola Peltz 27 vjeçe.