Lidhur me aksionin e përbashkët policor kundër korrupsionit dhe kontrabandës mes Shqipërisë dhe Kosovës në pikën Kufitare të Morinës, ka reaguar edhe Ministria e Brendshme e vendit tonë.
Ka qënë vetë Ministri i Brendshëm, Bledi Çuçi, ai që në reagimin e tij thekson se ky ishte një hetim model për ndëshkimin e korrupsionit dhe shpërdorimit të detyrës.
Më tej, Çuçi tha se në Policinë e Shtetin nuk ka vend për punonjës të korruptuar.
“Përgëzime Agjencisë së Mbikëqyrjes Policore (ish SHÇBA) për hetimin profesional që çoi në pranga dhjetra punonjës policie të Pikës Kufitare në Morinë. Ishte një hetim model për ndëshkimin e korrupsionit dhe shpërdorimit të detyrës. Jemi të vendosur për të pastruar Policinë e Shtetit nga punonjësit e korruptuar, për të cilët s’ka vend në radhët e kësaj trupe”, ka thënë ai.
Ndërkaq, lidhur me këë aksion policor reagoi më herët edhe Drejtori i Përgjithshëm i Policisë së Shtetit, Gledis Nano i cili u shpreh se është i vendosur për pastrimin e figurës së policisë.