Evi Reci ka bërë me dije përmes një postimi në Instagram se ka humbur gjyshen e saj. Këngëtarja dhe moderatorja ka publikuar një fotografi ku ishte kapur për dore me të shtrenjtën e saj, krahas së cilës ka shkruar dhe disa fjalë prekëse.
“Durrësi dhe Saranda nuk do të jenë më kurrë njësoj për mua. Nana duhet të prisje dhe pak. Unë e di që çdo pasdite më shihje në televizor dhe çdo koncert timin, por ne kishim akoma për të kërcyer vallet dhe të këndonim polifoninë e jugut.
Ja kështu dorë për dore do të kujtoj. Tek porti i Durrësit, aty ku nuk do më presësh më ti. Nana Aleksandra, do më mungosh shumë,” ka shkruar moderatorja.