Teksa foli në Kongresin e Partisë Socialiste, Ministri i Drejtësisë, Ulsi Manja tha se kjo forcë politike e cila është zgjedhur zgjedhur nga qytetarët për një mandat të tretë, nuk është në lartësinë e duhur në terren. Ai tha se nuk duhet të presim çdo gjë nga Edi Rama dhe të mendojmë se votat i merr ai dhe ne te shkojmë thjesht si komisionerë.
Duke i’u referuar asaj që tha Ministri i Drejtësisë, ai theksoi se partia ka një nevojë urgjente për ndryshim dhe ristrukturim në bazë. Manja vijoi më tej, duke shtuar se propozimi i tij është “reformimi i thellë strukturor i PS në çdo qelizë që duhet të fillojë që nga burimet njerëzore në terren, pra nga lart poshtë”.
“Duhet të ketë lider, frymë dhe organizim të fuqishëm në territor. Ne kemi Edi Ramën që përçoi një mesazh të fortë politik, për mandatin tonë të katërt në 2025. Pyetja është po organizimi ynë në territor? A i përgjigjet lidershipit? Në fakt vij nga një eksperiencë zgjedhore jo më larg se 6 marsi. Patëm mundësinë të testojmë motorin elektoral. Dhe organizmi ynë strukturor në Territor nuk është ai që duhet të kemi. Nuk është sepse duket se për shkak mungesës së opozitës politike. Duke sikur kemi rënë në gjumë. Gjithçka e presim nga Edi Rama si kryeministër. Ne themi duhet të shkojmë komisionerë se votat i merr Edi Rama. PS ka një kundërshtar shumë të madh dhe është vetë PS. Vetkënaqësia. Ide e pathyeshmërisë është ajo që duhet të zgjidhim.” deklaroi Ulsi Manja.