Kryetarja e Forumit të Gruas në Partinë Socialiste, Etilda Gjonaj mbajti fjalën e saj në Kongresin e PS-së, teksa komentoi arritjet dhe sfidat e kësaj force politike vitet e fundit si dhe përparimin që po bëhet në çdo organizatë apo bashki të vendit.
Gjithashtu, deputetja ndau edhe vizionin për të cilin po punohet aktualisht.
“Gjatë kësaj periudhe sëbashku me gratë dhe vajzat anëtare dhe mbështetëse kemi zhvilluar në të gjitha Qarqet e Shqipërisë takime për të ndarë vizionin e Partisë Socialiste si dhe për të ideuar bashkarisht prioritetet dhe objektivat e strategjisë së re për gruan në Partinë socialiste për rivitalizimin dhe forcimin më tej të strukturës së gruas. Ashtu sic kemi bërë të mundur përfaqësimin e strukturës së gruas në rrjetet ndërmbëtare të partive simotra si Partitë europiane socialiste ashtu dhe në rrjete rajonale.
“Gjatë kësaj periudhe kemi punuar për strategjinë 4 vjecare për strukturën e gruas së Partisë socialiste me objektiva të qartë dhe konkret, document I cili do të do të konsultohet në muajt në vijim me të gjitha strukturat e grave në 61 bashkitë për t’a prezantuar shumë shpejt në një event publik. Kemi punuar fort për të patur mbështetjen e organizatave ndërkombëtarë që mbështesin partitë si motra në Europë të cilat do të vijojnë të na japin mbështetjen e tyre për të realizuar objektivat tona në 4 vitet e ardhshme dhe për këtë më lejoni të jap një falenderim të vecantë organizatës gjermane Fridriech Ebert Stiftung që besuan dhe e konkretizuan mbështetjen e tyre”, u shpreh Gjonaj.