Gjatë konferencës së mbajtur sot, Presidenti i vendit, Ilir Meta i ka bërë një apel të gjithë të arrestuarëve për aferën e Inceneratorëve që të bëhen të penduar të drejtësisë dhe të tregojnë të gjitha lidhjet sa i takon kësaj shkeljeje të rëndë.
Në fjalën e tij, Meta tha se ka qënë dikush pas tyre, i cili u ka dhënë garanci për të shkelur ligjin.
Madje, Presidenti vazhdoi më tej duke hedhur akuza se pavarësisht se Stela Gugallja dhe Klodian Zoto janë në kërkim, ata vazhdojnë të marrin pagesat e tyre.
“Kanë frikë se mos bëjnë ndonjë gabim dhe populli zgjedh President të gabuar. Rilindja po bën përpjekje të jashtëzakonshme të gjejë një President të mirë. Por Presidenti ka detyra para se të largohet. Për inceneratorët kemi të bëjmë me një organizatë kriminale. Organizim të pashembullt të pushteti vendor. Presidenti pret deri më 25 prill dhe pret përgjegjshmëri dhe reagim. Asnjë nuk është para përgjegjësisë së ligjit. Treshja e famshme ka dalë jashtë vendit. Dhe ata që janë ndaluar po bëjnë sikur po marrin ca dënime dhe përfshirjen e tyre në grup kriminal. U bëj thirrje të pendohen dhe të tregojnë se kush u ka dhënë leje të përfshihen”, tha Meta.