Persona të paidentifikuar kanë dhunuar me leva dhe mjete të forta kancelarin e gjykatës së Elbasanit, Ledio Sulkuqi. Ai është goditur disa herë me levë në trup, duke marrë plagë të rënda, ndërsa në rrugë dallohen qartë edhe njollat e gjakut. Ngjarja e rëndë ka ndodhur sapo ai ishte çuar nga një bar-kafe dhe i vetëm i ishte drejtuar lagjes Muzeale të Kalasë së Elbasanit.
Ky dhunim i zyrtarit ka ndodhur vetëm 150 metra larg Drejtorisë së Policisë të Elbasanit. Fakti që drejtoria e policisë ka qenë tepër afër, nuk i ka trembur autorët që të rrahin barbarisht Sulkuqin.