11 nxënës të klasës së gjashtë të shkollës “Shefqet Tançi” në Bulqizë janë shtruar me urgjencë në spital pasi janë ndjerë keq, me marrje mendsh e të vjella.
Të dhënat e para bëjnë të ditur se ata ishin në orën e kimisë, ku kanë përdorur një sapun që sipas dëshmive mbante erë të keqe. Vetëm 30 minuta më pas, nxënësit janë ndjerë keq.
Aktualisht po marrin ndihmën e nevojshme në spitalin e Bulqizës. Pritet të zbardhet ngjarja.