Britney Spears është në pritje të një fëmije. Ikona e muzikës pop e ndau lajmin e ëmbël me fansat e saj në rrjetet sociale.
40-vjeçarja postoi fotografi në Instagram ku shkruante: “Kam humbur kaq shumë peshë për të shkuar në udhëtimin tim në Maui, po e rifitova atë”. “Mendova ‘Geez … çfarë ndodhi me stomakun tim?’ Burri im tha ‘Jo, je shtatzënë’”, tha këngëtarja e njohur.
“Kështu që bëra një test shtatzënie…dhe uh mirë…Unë do të kem një fëmijë…” tha Spears. Ajo bëri me dije se do të shmangë daljet publike pasi nuk do të përballet me paparacit sepse mund t’i ndikojnë në shëndetin mendor. Interpretuesja ikonë e hiteve tashmë ka dy djem: Jaden dhe Sean, me ish-bashkëshortin e saj Kevin Federline.