Në vijim të monitorimit të situatës dhe garantimit të sigurisë ushqimore, Drejtoria Rajonale e Autoritetit Kombëtar të Ushqimit, qarku Korçë kreu një kontroll zyrtar në subjektin me inicial “B”, me aktivitet “Furrë Buke”, Korçë, ku gjatë kryerjes së procedurës në kushtet e flagrancës u konstatua se në ambientet e magazinimit të subjektit, u evidentua sasia prej 10 ton produkti “Miell” me afat të kaluar përdorimi.
Pas konstatimit të shkeljeve përkatëse, ndaj subjektit në fjalë u vendos masë administrative 500’000 lekë si dhe u bllokua sasia prej 10 ton “Miell”, produkt i pasigurt për konsum me destinacion asgjësimin.