Vazhdojnë thirrjet ndëgjegjësuese për vaksinim masiv të qytetarëve kundër Covid-19. Përmes një pos5timi në rrjetet sociale, Instituti i Shëndetit Publik njofton rëndësinë që ka vaksinimi i fëmijëve.
Mes të tjerash, ISHP nënvizon se si ilaçet e përdorura shkaktojnë efekte të dëmshme apo edhe vaksinat që në disa raste shkaktojnë efekte anësore.
Disa nga efektet më të dukshme dhe më të zakonshme që shfaqet te fëmijët pas vaksinimit anti-Covid janë skuqje, dhimbje, lodhje, ënjtje në krahë dhe dhimbje koke. Megjithatë, në njoftimin e ISHP-së thuhet se prindërit duhet që të flasin me mjekun e familjes në lidhje me këto simptoma.
“Si të gjithë barnat, edhe vaksinat mund të shkaktojnë efekte të padëshiruara. Shumica e tyre janë të lehta deri të moderuara, afatshkurta dhe jo të gjithë i shfaqin ato.
Efektet më të zakonshme janë;
-dhimbje, skuqje, ënjtje në krah në 2 ditët e para pas injeksionit.
-lodhje dhe dhimbje koke.
-dhimbje e përgjithshme ose simptoma të lehta të ngjashme me të gripit’, thuhet në njoftimin e ISHP-së.
Gjithashtu, ISHP u bën thirrje prindërve që në rast të një shfaqje të simptomave të tilla te fëmijët e tyre është e rëndësishme që ti japin paracetamol ose ibuprofen, por gjithmonë duke u konsultuar me mjekun pediatër.
