Spanjollët e Villareal janë duke jetuar një ëndërr përrallore.
Pas Juventusit, “nëndetësja e verdhë” arriti të eliminonte edhe Bajernin e Mynihut, duke u shndërruar në hirushen e Championsit.
Ishte një ndeshje e luajtur më mirë dhe e dominuar nga Bayerni, 24 gjuajtje, 4 në kuadrat, 65% mbajtje e topit për Nagelsmann por në fund është Villarreali.
Strategjia perfekte e tyre funksionoi duke goditur në momentin më të mirë dhe pas golit të Lewandowskit në 52’ ishte Chukwueze në 88’ në një kundërsulm perfekt që ndëshkon Bayernin.
Një rezultat shokues ashtu si i pari por ndoshta i drejtë sepse bavarezët këtë vit kanë treguar se nuk janë në nivelet e mëparshme të Championsit.