Një nga suprizat e 100 vjetorit të themelimit të Bashkisë Mat do të jetë organizimi i Festivalit të 21-të Këngës për Fëmijë në qytetin e Burrelit.
Anduena Sefgjini, drejtoreshë e Qendrës Kulturore të Fëmijëve shprehet se festivali i fundit është organizuar në qytetin e Burrelit në muajin Prill të vitit 1991.
“Që ditën e parë punës time, shprehet Sefgjini, kam këmbëngulur në organizimin e një festivali për fëmijë. Kontaktuam dy vite më parë me libretistin dhe muzikantin e njohur Shefqet Merra, por pandemia dhe shkaqe të tjera na penguan në realizimin e këtij eventi”.
Bashkitë Mat e Klosi kanë fëmijë të talentuar. Megjithëse ka lëvizje të mëdha demografike dhe emigracion të familjeve matjanë, ka ende elementë që këndojnë bukur, që e duan muzikën.
Sefgjini shton se: “Kemi menduar sëbashku me stafin organizator që Festivali i Fëmijëve të zhvillohet në këtë 100 vjetor të bashkisë Mat, pasi instrumentisti dhe tekst-shkruesi Shefqet Merra ka përgatitur disa pjesë ku vlen të veçohet “Himni i Festivalit, 100 -vjetori i bashkisë”. Konkurentët janë nga Mati, Klosi, Vlora, Kamza, matjanë që kanë migruar por që e kanë ende zemrën e mendjen tek vendlindja”.
Do ketë 5 çmime dhe do të shpërndahen çertefikata për të gjithë konkurentët.