Moti i keq me erë të forte ka përfshirë zonën e Lezhës këtë të diel. Erërat e forta kanë sjellë probleme për drejtuesit e mjeteve por edhe për vetë qytetarët.
Kështu një pemë e llojit plep është rrëzuar në superstradën Lezhë-Laç, pranë fshatit Gajush, duke vështirësuar qarkullimin e mjeteve në njërin krah të lëvizjes.
Gjithashtu era e fortë ka dëmtuar dhe linjat elektrike, duke sjellë mungesë të energjisë elektrike në disa zona, kryesisht në fshatra.
Grupet e punës së OSSH-së ndodhen në terren dhe po punojnë për riparimin e defekteve me qëllim rikthimin e energjisë në zonat ku aktualisht mungon.