Ditën e djeshme ndodhi një ngjarje krejt e pazakontë, ku një vajzë 20-vjeçare shkoi në Qëndrën Spitalore Universitare “Nënë Tereza” dhe lindi në tualetin e spitalit. E reja mbërriti në spital rreth orës 02:00 e shoqëruar nga babai i saj në spital për shkak se kishte dhimbje të forta barku dhe menjëherë sapo kanë mbërritur në urgjencën e QSUT-së, vajza ka kërkuar të hyjë në tualet ku edhe nisi të lindë fëmijën.
Sapo kuptuan situatën, mjekët ndërhyë menjëherë duke e marrë nga atë nga tualeti dhe e kanë futur në një ambient tjetër të spitalit ku edhe ka përfunduar lindjen me sukses.
Më pas u njoftuan për ndihmë mjekët e maternitetit “Mbretëresha Geraldinë” pasi Urgjenca nuk ka ekspertizën e duhur për raste të tilla me fëmijë të porsalindur.
Tashmë vajza 20-vjeçare ndodhet në maternitetin “Mbretëresha Geraldinë” nën kujdesin e stafit mjekësor. Gjëndja e foshnjës raportohet e mirë ndërsa babai i vajzës ka kërkuar nga stafi që ky rast të mos bëhet publik duke qënë se vajza nuk kishte dijeni për shtatzaninë.