Duke kujtuar Sali Berishën, Rama u tha banorëve në Valias të Kamzës se ata nuk kanë punë me Gjykatën e Parisit, pasi shtëpitë tani i kanë në pronësi të tyre dhe nuk kanë nevojë që të shkojnë nëpër gjykata për t’i marrë.
Rama u shpreh se zona e Kamzës është si parrulla e parë e Partisë Demokratike “ne qeverisim dhe bota na ndihmon”.
“Me demokratët e kam prapë, bëni shumë kujdes se ju ka kapur kjo sëmundja me ja ndërru bravat njëri-tjetrit. Mos bëni shakara të tilla se nuk ka lezet. Shikoni punën tuaj. Partia ka punët e veta, mos u merrni me punët e partisë. Shifni punën tuaj, aq më tepër që ju e keni gjetur shërbëtorin e duhur PS. Ju e keni si ajo parulla e parë e PD “Ne qeverisim, bota na ndihmon”. Edhe këtu në Kamzë ashtu jeni: Ne rrimë, PS na ndihmon, ose ne protestojmë, PS na ndihmon. Jemi të gjithë mirë me shëndet, jemi të motivuar falë protestave tuaja. Por bëni kujdes me protestat e tjera, mos shkoni pas berihait. Ju nuk keni punë me Gjykatën e Parisit, ju shtëpitë i keni tuajat, nuk vjen njeriu t’jua marrë, as duhet të shkoni në gjykatë për t’i marrë. Rroftë PD sepse tani që na la, kemi nostalgji për PD. Nuk kemi çfarë të bëjmë”, tha Rama.