Përmes një vendimi të botuar në Fletoren Zyrtare qeveria bën me dije se ndalohet peshkimi në liqenet e Ohrit, Prespës, Fierzës, Ulzës dhe Shkopetit.
Sipas vendimit të firmosur nga ministrja Frida Krifca, thuhet se bëhet ndalimi i peshkimit, me çfarëdolloj mjeti dhe metode gjuetie, si dhe mbajtjen në bord, tranzitimin në barkë, zbarkimin e qëllimtë dhe hedhjen në treg ose për konsum të të gjitha llojeve të peshqve në këto liqene.
Vendimi parashikon që një gjë e tillë të futet në fuqi nga data 20 prill 2022 deri më 20 korrik 2022 për këto liqene.
Po ashtu përcaktohet edhe periudhat verore në të cilat ndalohet edhe peshimi me rrjeta në fashën bregliqenore prej 300 ml nga bregu.