Robert Lewandowski, në këtë fund sezoni, është kthyer në një nga emrat më të lakuar në tregun e transferimeve, kjo për vetë faktin se sulmuesi ka një kontratë me Bayern Munich që i përfundon në 2023. Në këtë periudhë palët janë përpjekur të gjejnë një kompromis për të zgjatur bashkëpunimin ndërmjet tyre. Vetë Lewandowski nuk është shumë i bindur, dëshira e tij është të provojë një aventurë të re jashtë Gjermanisë.
Prej kohësh flitet për një interesim nga ana e Barcelonës, me blaugranët që e kanë vendosur në majën e listës së dëshirave. Sipas Sport, Lewandowski tashmë e ka një çmim: 40 milionë euro.
Bayern shpreson akoma që Leva të rinovojë, por nëse duhet largohet, çdo skuadër që dëshiron shërbimet e tij duket të paguaj 40 milionë euro. Kjo është një shifër që Barcelona mund ta përballojë, ndërsa i ofrojnë Lewandowskit edhe një kontratë 3-vjeçare, pikërisht detaji që po bën diferencën në këto negociata.