Forcat ruse kanë shtuar 17 grupe taktike batalioni (BTG) në Ukrainë gjatë javës së kaluar, me katër BTG të tjera vetëm në 24 orët e fundit, tha të mërkurën një zyrtar i lartë amerikan i mbrojtjes.
Në total, SHBA vlerëson se tani ka 82 BTG brenda Ukrainës. Nga katër BTG-të e shtuara në 24 orët e fundit, tre prej tyre “kanë shkuar në lindje” në zonën e Donbasit, shtoi zyrtari.
Këta BTG nuk janë domosdoshmërisht vetëm ushtarë këmbësorie. Ata janë “të rregulluar funksionalisht”, tha zyrtari.
“Është gjithashtu e rëndësishme të kujtojmë se disa prej këtyre grupeve taktike të batalionit, ne priremi të mendojmë për to, dhe mendoj se të gjithë jemi mësuar të flasim për ta sikur të jenë të gjithë këmbësori apo diçka e tillë; ato nuk janë, ato janë të rregulluar funksionalisht. Disa janë këmbësori, disa janë artileri, disa janë forca të blinduara, të mekanizuara dhe kështu, nuk e di se çfarë është përzierja këtu”, shtoi zyrtari.