Këtë mëngjes, kreu i Grupit Parlamentar ka thirrur në një mbledhje në selinë blu deputetët e kësaj force politike.
Mbledhja ishte programuar të mbahej dje, por për shkak të fatkeqësisë që i ndodhi deputetit Luçiano Boçi, i cili humbi babain, ajo u shty për sot. Ndërkaq, ditën e sotme, të mandatuarit demokratë pritet që të vendosin mbi qëndrimin që do të mbajnë për negociatat me maxhorancën lidhur me negociatat për zgjedhjen e presidentit të ri.
Po ashtu, interes të madh ka që të mësohet qëndrimi i ish-kryeministrit Sali Berisha dhe mbështetësve të tij në Komisionin e Rithemelimit teksa kujtojmë se më herët, ai ka deklaruar që nuk do të marrë pjesë në bisedimet për të zgjedhur kreun e shtetit. Kjo pasi ai e konsideron këtë proces si një farsë të kryeministrit Edi Rama.