Ndërkohë që mbajti fjalën e tij në Kuvend, kryetari i grupit parlamentar të Partisë Demokratike, Enkelejd Alibeaj theksoi se për shkak të marrëveshjes së vitit 2008 mes Edi Ramës dhe Sali Berishës, shumica mund ta zgjedhë vetë kreun e shtetit.
“Ky tani vjen këtu për të bërë provokime për atë që erdhi këtu dhe zuri foltoren me forcë. Ky do të ngjashmin e vet edhe për një nga procesin më të rëndësishëm siç është zgjedhja e Presidentit. Është në fakt marrëveshja e 2008 mes këtij dhe atij. Ky nuk e fsheh aspak çfarë do të bëjë, siç ka bërë me të gjitha pushtetet. Ajo që shqiptarët do të duan, është të kuptojë pse e bën këtë, cili është shkaku që e bën? Le të flasë ky njëherë për deputetët e tij, 2 i ka në qeli, 2 të tjerë nuk ua përmend emrin.
Rama i trajton njerëzit si dele me nga një zarf. Çfarë do të thotë kjo: do zgjedhësh Presidentin e zarfit? Ne kemi detyrim ndaj gjysmës së shqiptarëve që na votuan. Për shkak të marrëveshjes së 2008, ti e merr Presidentin. Ne kemi detyrimin që gjithë këtë farsë me zarfa t’a grisim. Ju demokratë kurrë nuk do të shihni asnjëherë që ti japim kënaqësinë perverse këtij njeriu të bëjë shfaqje të shëmtuara që bëri këtu. Me dhimbje dhe me kosto sigurisht, por shpirtra të lirë duke iu parë në sy. Më mirë të vetëm sesa me pengje të së shkuarës. Kjo është qasja që do të mbajë grupi parlamentar në këtë proces. Pa komplekse dhe pa u tërhequr. Zarfet ti mbajë për vete, le të zgjidhë hallet e tij me ata që ka të 313. Ky nuk është hall i shqiptarëve”, deklaroi Alibeaj.