Ditën e sotme do të ketë sërish proces zgjedhor në strukturat e Partisë Demokratike, ku kësaj here do të votohet për të zgjedhur kryetarin e ri të degës së kësaj partie në Dibër.
Procesi i votimit u hap në orën 8.00 dhe është caktuar të mbyllet në orën 17.00. Megjithatë, do të ketë ende votues në Qendrat e Votimit procesi do të vijojë edhe pas orës 17.00, deri kur edhe anëtari i fundit i PD së degës përkatëse të ketë votuar. Në rast shtyrje të votimit, do të vihet në dijeni Komisioni i Organizimit dhe Kontrollit të Operacioneve Elektorale i cili vendos.
Ndërkaq, kandidatët që garojnë për Kryetar janë:
1. Hamza Lleshi
2. Ilir Krosi
Komisioni i Organizimit dhe Kontrollit të Operacioneve Elektorale fton të gjithë anëtarët e PD të degëve të sipërpërmendura të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”.