Sipas një njoftimi të Organizatës Botërore të Shëndetësisë (OBSH), norma globale e rasteve të infektimeve me COVID-19 ka vijuar të pësojë rënie gjatë muajit të fundit.
Këtë gjë e tregojnë të dhënat globale të rasteve për periudhën 11-17 prill 2002, të cilat janë hedhur në raportin javor që publikon organizata.
Bazuar në këtë raport, gjatë kësaj periudhe janë regjistruar 5.5 milionë raste me COVID-19 në mbarë botën, ndërsa 18 215 persona kanë vdekur për shkak të virusit.
Norma globale e rasteve ka shënuar një rënie në 24 për qind në krahasim me një javë më parë dhe rënia në rastet globale ka vazhduar që nga java e fundit e marsit.
Në krahasim me shtatë ditët e mëparshme, ulja më e madhe e rasteve është vërejtur në rajonin e Paqësorit Perëndimor me 28 për qind ndërsa ulja më e vogël është regjistruar në rajonin e Amerikës Jugore dhe atë Veriore me 2 për qind.