Gjykata e Apelit pranon të marrë në shqyrtim kërkesën e paraqitur nga Partia Demokratike e Shqiperisë përfaqësuar nga z. Enkelejd Alibeaj për prishjen e vendimit të gjykatës së shkallës së parë që njeh Kuvendin e 11 dhjetorit dhe ndryshimet në statut të dala nga ky kuvend.
Deputeti Dashnor Sula, në një intervistë për Ora News, tha se e shikon këtë vendim të arsyeshëm, pasi sipas tij vendimi i 25 marsit nuk ishte i formës prerë.
Dashnor Sula: Unë personalisht , nuk e shikoj një vendi revanshi. E shikoj si një vendim logjikë, të arsyeshëm, dhe nuk kisha pikë dyshimi që legjitimiteti për të bërë ankimimin në Gjykatën e Apelit nga ana e Alibeajt, ishte I ligjshëm. Vendimet duhet të respektohen. Vendimi i 25 prillit nuk ishte një vendim i formës së prerë.
Ndër të tjera ai tha se pas datës 21 mars, ku Lulzim Basha dha dorëheqjen nga kreu i PD-së, nuk kishte asnjë pengesë që të rifillonte procesi i ribashkimit.
Sula tha se nëse apeli do marrë vendim për pranimin e ankimit të Alibeajt, Komisioni i Rithemelimit ka të drejtë që të thërrasë Kuvendin.
Dashnor Sula: Nuk arrij të kuptoj, qasjen, arrogancën, sjelljen e kolegëve të mi deputetë, të cilët nëse deri më 21 mars kishin të drejtë sepse përballë kishin gogolin Basha dhe tani pasi 21 marsit, nuk kishte asnjë lloj pengese morale që të rifillonte procesi i ribashkimit. Sakrifica duhet të ishte nga i pari tek i fundit. Nëse apeli i jep të drejtë Alibeajt, përsëri Komisioni i Rithemelimit ka të gjithë të drejtën legjitime për të thirrur Kuvendin. Edhe pas daljes së vendimit nga apeli, mund të nisë një proces ri. Nëse kemi vullnetin që të bashkohemi gjithçka bëhet.
Ai tha se nisur nga rrethanat që ndodhet PD, kjo parti duhet të marrë vendime të logjikshme dhe të arsyeshme pasi nuk e ka luksin që të bëhet armik me të gjithë.
Dashnor Sula: Nuk është problemi që Berisha duhet të përjashtohet nga PD, dhe unë nuk e shikoj kështu. Problemi është se duhet të kuptohet realiteti politik në të cilën ndodhet PD-ja.
Duhet të kemi një vendimarrje të logjikshme të arsyeshme e të detyrueshme për rrethanat në të cilën ndodhet PD-ja. Nuk e ka luksin PD të bëhet armik me të gjithë, me ndërkombëtarët, me shqiptarët, me pjesën e gri. Berisha duhet të bëjë sakrificë sublime për PD, me kosto personale për PD-në.
Ky vendim i sotëm i zhbën vendimet e 11 dhjetorit, përsa kohë nuk ka marrë vendim të formës së prerë.
Më tej Sula i bindur u shpreh: Në Shqipëri do të ketë zhvillime politike të forta të cilët do të diktojnë sjellje politike brenda mazhorancës dhe opozitës. Logjika politike më për zgjedhje nuk ekziston. Jemi kthyer në një mono regjim dhe sa herë t’i dojë t’i marrë zgjedhjet dhe do i marrë.