Sipas asaj që raporton “la repubblica”, nënsekretarja e shtetit për çështjet politike të Shteteve të Bashkuara të Amerikës, Victoria Nuland ka deklaruar se nuk e përjashton aspak mundësinë që Rusia të vejë në përdorim armët e saj bërthamore në Ukrainë.
“Askush nuk mund të përjashtojë mundësinë e një sulmi bërthamor. Për shkak se Vladimir Putin ka urdhëruar tashmë krime të tmerrshme dhe brutale, gjithçka mund të ndodhë.
Mund të përdoren lloje të ndryshme armësh katastrofike”, tha nënsekretarja.
Po ashtu, Nuland u shpreh se SHBA-të po përpiqen ta bëjnë Kremlinin të reflektojë se një hipotezë e tillë “do të ishte katastrofike jo vetëm për Ukrainën dhe botën”, por edhe për “Putinin dhe Rusinë”.
Putin “do të konsiderohet” përgjegjës për luftën. krimet e kryera tashmë, por përdorimi i armëve bërthamore do të ndryshonte tërësisht rrjedhën e luftës.
Kostoja e imponuar ndaj Putinit dhe Rusisë do të ishte e jashtëzakonshme”, vijoi Nuland.