Sot në Ditën Ndërkombëtare të Lumturisë, Finlanda ka shumë për të festuar. Ky shtet është vendi më i lumtur në botë për të dytin vit radhazi, sipas raportit të fundit mbi lumturinë botërore.
Finlanda pasohet nga Danimarka, Norvegjia, Islanda dhe Hollanda.
Raporti i lumturisë botërore u publikua nga Rrjeti i Zhvillimit të Qëndrueshëm për Kombet e Bashkuara më 20 mars, data që Kombet e Bashkuara kanë deklaruar si Dita Ndërkombëtare e Lumturisë.
Raporti rendit vendet duke u bazuar në gjashtë variabla kyçe që mbështesin mirëqenien: të ardhurat, lirinë, besimin, jetëgjatësinë e shëndetshme, mbështetjen sociale dhe bujarinë. Zvicra renditet në vendin e gjashtë, e ndjekur nga Suedia, Zelanda e Re, Kanadaja (i vetmi vend në Amerikë) dhe Austria.