Si ç’raporton televizioni TRT Haber, Ministri i Jashtëm turk, Mevlut Cavusoglu ka deklaruar se Turqia ka mbyllur hapësirën e saj ajrorepër avionët ushtarakë dhe civilë që transportojnë trupa nga Rusia në Siri.
Turqia, e cila është një anëtare e NATO-s, gjithashtu ka marrëdhënie të mira me Rusinë dhe Ukrainën dhe po përpiqet të ndërmjetësojë negociatat midis dy palëve.
“Ne kemi mbyllur hapësirën ajrore për avionët ushtarakë rusë, por edhe fluturimet civile që transportojnë ushtarë në Siri”, u shpreh Cavusoglu në një aeroplan në rrugë për në Uruguai.
Leja jepej çdo tre muaj dhe tani ndalimi do të jetë i vlefshëm për tre muaj, deklaroi Cavusgolu. Po ashtu, ai tha se për këtë gjë e kishte vënë në dijeni edhe homologun e tij rus, Sergei Lavrov.
Rusia është një nga aleatët kryesorë të regjimit të presidentit sirian Bashar al-Assad, të cilin e ndihmoi të qëndrojë në pushtet pas shpërthimit të luftës në Siri në vitin 2011.