Komisioni i Organizimit dhe Kontrollit të Operacioneve Elektorale të Partisë Demokratike, ka bërë një njoftim në lidhje me zgjedhjet për kryetar të degëve që janë duke u zhvilluar sot në disa qytete të vendit tonë.
Në njoftimin e bërë për mediet, thuhet se zgjedhjet janë duke ecur normalisht, madje në disa qarqe ka pasur edhe fluks si shkak i interesit të shtuar.
Probleme me zgjedhjet kishte vetëm në Bulqizë, ku ato u anuluan pas një mosdakortësië për listat e votuesve nga kandidatët për kryetar.
Mësohet se zgjedhjet do të mbahen në datën 26 prill ditën e martë.
Njoftim i Komisionit të Organizimit dhe Kontrollit të Operacioneve Elektorale të Partisë Demokratike:
Komisioni I Organizimit dhe Kontrollit të Operacioneve Elektorale të Partisë Demokratike njofton që zgjedhjet për Kryetar në pesë degët e PD po vijon nornalisht, e pa probleme. Interesi i anëtarësisë është i madh duke krijuar shpesh herë edhe fluks në qendrat e votimit. Komisioni I Organizimit dhe Kontrollit të Operacioneve Elektorale të Partisë Demokratike njofton që sot ishin planifikuar zgjedhjet për Kryetar të PD Dega Bulqizë.
Për shkak se nuk u gjet frymë konsensuale për procedurat e zgjedhjeve, u vendos që në këtë degë zgjedhjet të organizohen ditën e martë. Komisioni i Organizimit dhe Kontrollit të Operacioneve Elektorale do njoftojë në vijim për datën e re të organizimit të zgjedhjeve në PD Dega Bulqizë.