Është ndarë nga jeta në moshën 82 vjeçare krijuesi dhe kontribuesi i këngës popullore matjane Sabri Aliaj.
Aliaj është shquar në fushën e krijimtarisë muzikore të krahinës, ku renditen shumë këngë me tekste e muzikë të tij, melodi orkestrale dhe valle popullore të vëna në skenë. Ka marrë pjesë në disa festivale folklorike lokale, kombëtare e mbarëkombëtare. Në vitin 2005 ka organizuar në Burrel koncertin recital “Sabri Aliaj Show”.
Veçojmë nga repertori i tij: “Shënjuesja matjane”, “Dola n’at’ buzë zalli”, “Shkurte Skura bijë matjane”, etj.
Vite më parë ai është shpallur “Qytetar Nderi i Burrelit” me motivacionin: “Drejtues, krijues dhe kontribues i zhvillimeve kulturore në trevën e Matit”.
Poeti dhe shkrimtari Hamdi Hysuka ka botuar librin “Nderi i kulturës matjane” ku përshkruhet me detaje i gjithë rrugëtimi artistik i Sabri Aliaj.
