Tayna ka dhënë së fundmi një intervistë ku ka folur në lidhje me jetën e saj personale, situatat e vështira që ka kaluar dhe momentet më të sikletshme në skenë.
Ajo ishte e ftuar në emisionin “Prive”, ku në rubrikën “50 pyetje”, ajo ka treguar gjëra që nuk i kishte zbuluar më parë publikisht. Tayna zbuloi disa momente të sikletshme që ka pasur në skenë duke performuar, ku shprehu se i merr me mjaft spotivitet këto incidente.
“Kam shumë momente, një prej tyre mu grisën pantollonat siç isha u ktheva mbrapsh duke bërë një vallëzim dhe publiku nisën të gjithë duke brohoritur, kur më tha menaxheri “u turpërove.” Nuk ishte shumë rrezik se… nejse. Një moment tjetër u rrëzova në skenë në tokë, ishte dyshemeja e lagur.”- tregoi ajo.
E pyetur se kush është “antistresi” për të, reperja veçoi disa gjëra, mes të cilave ishte edhe meditimi dhe të qëndruarit vetëm.“Kam dëshirë të kaloj kohë vetëm, të meditoj, të lexoj, të shoh filma, të këndoj, të shkruaj dhe të udhëtoj.”- zbuloi Tayna.
Ajo rrëfeu gjithashtu një nga kujtimet më të çmendura që ka pasur në udhëtimet e saj.
“Do them njërën më të lehtë. Një herë kam qenë në një koncert, në fakt kam pasur tre koncerte verës. Të nesërmen e kisha pushim, kemi shkuar 8 orë rrugë me shoqen time në një party dhe jemi kthyer më pas në Ulqin. Tre ditë kemi udhëtuar.”– tregoi Tayna.