Pasi në rrjet po flitet shumë për dasmën e tij, Ilir Shaqiri ka reaguar me një postim në Instagram. Ai ka shkuar sot në Durrës jo për t’u martuar por për të gjuajtur peshq. Fituesi i BB VIP ka treguar se po peshkon me të atin ndërsa në një foto ka shkruar me ironi: “Duke pritur krushqit”.
Iliri është shprehur më përpara se nuk kishte zhvilluar një dasmë me Emanuelën por vetëm një ceremoni të vogël dhe një darkë private me njerëzit e afërt, prandaj do të donte të bënte një dasmë në Shqipëri.
“Ne jemi martuar në bashki, në Romë. Jemi martuar dhe unë jam nisur për në Hungari tre ditë për muajin e mjaltit dhe jam kthyer se kisha punë. Jam martuar me 14 veta në tavolinë sepse dasmën e vërtetë do ta bëj në Shqipëri në muajin qershor. Dua ta bëj buzë detit.”, shprehej ai.
