Ministria e Mbrojtjes së Ukrainës ka bërë të ditur se trupat ruse janë duke e rritur gradualisht intensitetin e ofensivës së tyre në Ukrainën lindore. Zëdhënësi i ministrisë së Mbrojtjes së Ukrainës, Oleksandr Motuzyanyk tha në një konferencë se janë vënë re shenja që “agresori po përgatitet për aktivizim edhe më të madh të veprimeve ushtarake”.
“Ne po shohim shenja se Rusia po ndërton gjithashtu grupimin e saj në zonën lindore të operacionit… dhe tani po shton synimin e saj për të kapur sa më shumë territor ukrainas të jetë e mundur,” tha ai.
Motuzyanyk bëri të ditur po ashtu se pushtuesi vijon sulmet ajrore në qytetin port jugor të Mariupol.
“Përpjekjet kryesore të okupatorëve janë përqendruar në bllokimin e njësive tona pranë uzinës Azovstal, tha ai, megjithëse disa trupa po ripozicionohen më në lindje.”
Motuzyanyk akuzoi trupat ruse për marrjen me forcë të banorëve nga rajoni i Kharkiv në Federatën Ruse.