Një ngjarje tronditëse u shënua dje në shtetin fqinj të Italisë, ku një nënë 40-vjeçare me origjinë indiane ka hedhur vajzën e saj nga kati i tretë i shtëpisë dhe më pas ka tentuar të vrasë veten. Gruaja e ka kryer aktin e rëndë pasi ishte e frikësuar se babai i saj do ta merrte vajzën me vete në Indi.
Tashmë, vogëlushja është në një prognozë të rezervuar, megjithatë ajo ndodhet tashmë jashtë rrezikut për jetën.
Sipas mediave italiane, 40-vjeçarja është arrestuar me akuzën e vrasjes së mbetur në tentativë. Pasi u mbyll në dhomë me vajzën 4-vjeçare, ajo e hodhi atë nga dritarja e katit të tretë.
40-vjeçarja dyshohet se ka vepruar nga frika e rremë dhe e pabazuar se babai i fëmijës do të shkonte në Indi me vajzën. Aktualisht, vajza ndodhet e shtruar në spitalin e Ankonës në “prognozë të rezervuar dhe kushte të qëndrueshme.”
Kur mbërritën policët, gruaja po tentonte të hidhej nga dritarja. Ajo u ndalua dhe u transportua në spital, ndërsa vajza e saj e vogël ishte në tokë, gjallë dhe u dërgua me helikopter në spitalin Torrette dhe më pas u transferua në Salesi.
Sakaq, gruaja 40-vjeçare ndodhet nën mbikëqyrje në pavijonin e psikiatrisë së spitalit Macerata, në dispozicion të prokurorëve që kryejnë hetimet.