Britania e Madhe ka lajmëruar se ka futur në detin Mesdhe një nëndetëse për t’iu përgjigjur Rusisë në rast sulmi me çdo lloj arme.
Rusia po kërcënon botën me luftë bërthamore, ndërkohë që thuajse çdo ditë analistë ushtarakë apo gazetarë theksojnë se ushtria ruse mund të hedhë raketa “Satan II” në drejtim të Europës dhe ishullit britanik “për t’i zhdukur ata nga faqja e dheut”.
Pak ditë më parë u bë i njëjti diskutim në televizionin shtetëror rus, ku një analist ushtarak tha se për 200 sekonda mund të goditej ishulli britanik me këto raketa dhe pas këtij sulmi Anglia nuk do të ekzistonte më. Një tjetër tha se nëse kjo ndodhte edhe britanikët do ta sulmonin Rusinë me armë bërthamore dhe askush nuk do të mbijetonte në fund.
Britanikët janë një fuqi bërthamore dhe kanë një flotë të avancuar nëndetësesh që mbajnë raketat bërthamore, të “famshmet” Trident.