Prokurorët e përgjithshëm të SHBA-së, Britanisë, Zelandës së Re, Australisë dhe Kanadasë kanë zhvilluar bisedime me homologen e tyre ukrainase, Iryna Venediktova, për hetimin e krimeve të luftës.
Sipas departamentit të drejtësisë amerikane, 6 zyrtarët e drejtësisë “diskutuan përpjekjet e tyre të koordinuara për të vendosur para përgjegjësisë individët, veprimet kriminale të të cilëve kanë prodhuar krime lufte në Ukrainë”.
Prokurori i Përgjithshëm i SHBA, Merrick Garland, tha në deklaratë: “Angazhimi ynë për të punuar me partnerët tanë ndërkombëtarë, përfshirë prokurorin e përgjithshëm të Ukrainës, për të hetuar dhe ndjekur penalisht ata që janë përgjegjës për mizoritë në Ukrainë mbetet i palëkundur. Ne do të jemi të pamëshirshëm në përpjekjet tona për të sjellë para drejtësisë ata që sollën shkatërrimin që po shohim në Ukrainë”.