Sot pritet që të rifillojnë operacionet e shpëtimit për evakuimin e civilëve në Mariupol, ndërsa sulmet në fabrikën e çelikut Azovstal vazhdojnë ende, shkruan “The Guardian“.
Komiteti Ndërkombëtar i Kryqit të Kuq (KNKK) konfirmoi për AFP “që po zhvillohej një operacion për evakuimin e civilëve në koordinim me OKB-në. Të dy organizatat tashmë kanë punuar së bashku për të evakuuar rreth 100 civilë nga fabrika gjatë fundjavës.
Presidenti i Ukrainës Volodymyr Zelenskiy konfirmoi gjithashtu evakuimin e planifikuar në fjalimin e tij të fundit. Më shumë se 150 njerëz nga Azovstal dhe më shumë se 300 njerëz nga Mariupol dhe rrethinat e tij, u evakuuan këtë javë.
Kryetari i bashkisë së Mariupol vlerëson se rreth 200 civilë janë të bllokuar në kushte të mjerueshme në tunelet nëntokësore të fabrikës të epokës sovjetike.