Në një ndërtese ku jetojnë disa gazetarë rusë në Berlin është gjetur një lëndë plasëse. Hetuesit dhe prokurorët e ekzaminuan atë duke e çmontuar në ndërtesën që strehonte stafin e një agjencie ruse lajmesh në Stiglitz.
Mësohet se eksplozivi u vendos në pallat ditën e djeshme ndërsa hetuesit po hulumtojnë se sa e rrezikshme ishte kjo lëndë plasëse.
Ndërkohë, ambasada ruse në Berlin ka bërë me dije se një shishe u hodh nga një dritare brenda kompleksit të apartamenteve dhe se në kontrollin e mëpasshëm u gjet një eksploziv i improvizuar, i cili u gjet nga piroteknikë gjermanë dhe më pas u neutralizua.
Ministria e Jashtme ruse u bëri thirrje sot autoriteteve në Gjermani dhe vende të tjera të Bashkimit Evropian dhe NATO-s që të ndërmarrin masa për të mbrojtur gazetarët rusë dhe familjet e tyre jashtë vendit.